Сангийн сайд Б.Жавхлан бусдын биед халдсан, танхайрсан гэх мэдээлэл гарсан. Тодруулбал, сайд Б.Жавхлан Хүнс, хөдөө аж ахуй, хөнгөн үйлдвэрийн яамны Бодлого төлөвлөлтийн газрын дарга Ц.Болорчулууныг цохиж, биед нь халдсан гэх.

Тэгвэл Б.Жавхлан сайд энэ талаар хэвлэлд мэдээлэл өгөхдөө “Энэ бол шар мэдээ. Би Ц.Болорчулуун даргатай эртний танил, сайн найзууд. Сүртэй юм болоогүй, эрчүүдийн хоорондох асуудал. Ийм зүйлээр улс төржих гэж байвал болих хэрэгтэй" гэсэн байдаг.

Харин бид Бодлого төлөвлөлтийн газрын дарга Ц.Болорчулуунтай холбогдож, тодруулахад “Эрчүүдийн дунд болсон асуудал. Гэхдээ сүйдтэй зүйл болоогүй. Хүмүүс үүнийг буруу, ташаагаар мэдээлсэн байна лээ. Надад ямар нэгэн гомдол, тэмцэл байхгүй. Юу ч болоогүй” гэлээ.