АНУ-ын Нью-Йорк хотноо болж буй НҮБ-ын Ерөнхий Ассамблейн 79 дүгээр чуулганд Монгол Улсын Ерөнхийлөгч Ухнаагийн Хүрэлсүх оролцож буй. Уулзалтын хүрээнд тусгасан асуудлын талаар түүний зөвлөх Э.Одбаяр мэдээлэл өглөө.

       Тэрбээр "Ирээдүйн төлөө гэрээ, ирээдүй хойчийн асуудал тунхаглал гэх хүрээнд таван онцгой сэдвийг тусгаж өгсөн. Үүнд, цахим хөгжил, залуучууд, жендер, хөгжлийн асуудал, энх тайван найрамдлын асуудал багтаж байна. Эдгээрийг тусгасан гэрээг өнөөдөр энэхүү Ерөнхий Ассамблейн танхимд цугласан дэлхийн бүх төрийн тэргүүнүүд батлуулж байна гэдэг нь эв нэгдэл, хамтран ажиллахыг чухалчилж байгаа зүйл юм. Ингэснээр бид ирээдүйн тогтвортой хөгжлийн зорилгоо биелүүлэх боломж бүрдэж байна" гэв.