Хөдөлмөрийн Үндэсний Намынхан Их хурлаа өчигдөр цахимаар зохион байгуулжээ. Уг хурлаар тус намын дарга Б.Найдалаа үүрэгт ажлаасаа чөлөөлөгдөх хүсэлт гаргасныг хэлэлцэн шийдвэрлэж, намын шинэ даргаар УИХ-ын гишүүн Т.Доржханд сонгогдсон байна. Удирдах зөвлөлийн даргаар Б.Найдалааг, Ерөнхий нарийн бичгийн даргаар П.Ганзоригийг, Хариуцлагын ерөнхий хорооны даргаар А.Дөлгөөн нарыг тус тус санал нэгтэйгээр дэмжиж сонгожээ. Тус нам УИХ-д суудалтай учраас Ерөнхийлөгчийн сонгуульд нэр дэвшүүлэх эрхтэй. Тиймээс Ерөнхийлөгчийн сонгуулийн бэлтгэл ажилдаа ороод байгаа аж.