Засгийн газрын хуралдаанаас гаргасан шийдвэрийг танилцуулж байна.

           Энэ үеэр Засгийн газрын хэрэг эрхлэх газрын дарга Д.Амарбаясгалан “Эрдэнэс Тавантолгой” ХК-нд Бүрэн эрхэт төлөөлөгч томилсон ажлаа дүгнэж, төлөөлөгчийн хугацааг сунгах шийдвэрийг гаргалаа. Бүрэн эрхэт төлөөлөгч томилогдсон зургаан орчим сарын хугацаанд “Эрдэнэс Тавантолгой” ХХК-нд дорвитой томоохон өөрчлөлт, шинэчлэлтийн үйл ажиллагаа явагдаж, тус компанийн нүүрс олголтын хэмжээ урьд үеэсээ 2.5 дахин нэмэгдэх, борлуулалтын орлого нь 3.5 дахин өсөх зэрэг өөрчлөлт гарсан байна. Нөгөө талаар энэ оны нэгдүгээр сарын нэгнээс эхэлж, 3.62 дугаар тогтоолыг хангах үүднээс нүүрсний борлуулалтыг биржээр худалдаалах зарчимд шилжсэн томоохон амжилтыг гаргасан. Эдгээр эерэг өөрчлөлтийг хэвшүүлэх, цаашид хүнээс үл хамаарсан нээлттэй ил тод засаглалын хэлбэрийг ил болгох, улам бүр хариуцлагатай ажиллах нөхцөлийг бүрдүүлэхэд анхаарах үүднээс Засгийн газрын Бүрэн эрхэт төлөөлөгчийг сунгаж ажиллуулах тогтоолын төслийг боловсруулж, УИХ-д өргөн барихаар болж байна. Хэрэв Бүрэн эрхэт төлөөлөгчийн хугацаа сунгавал мэргэжлийн аудитын байгууллагаар компанийн бүх үйл ажиллагаанд аудит хийх, цаашлаад олон улсын менежментийг хэрэгжүүлэх боломж нөхцөлийг бүрдүүлэх чиглэлд онцгойлон анхаарч ажиллахаар үүрэг даалгавар авсан. “Эрдэнэс Тавантолгой” ХК-ийн амжилттай ажиллаж байгаагийн нэг том жишээ бол өчигдөр Монгол Улсын түүхэнд анх удаа Гашуун сухайт боомтоор хамгийн өндөр буюу 260 мянган тонн нүүрс гаргасан гэсэн мэдээ байна. Мөн тус компани өдөртөө 500-900 автомашин нүүрсийг тээвэрлэн хил гаргаж байна.  Нийт дүнгээр 42 гишүүн төлөөлөн удирдах ажлыг хариуцна. Өнөөдрийн байдлаар “Эрдэнэс Монгол” ХК-ийн хараат бус таван гишүүнийг сонгон шалгаруулах ажил идэвхтэй явагдаж байгаа" гэв.