Засгийн газрын хэрэг эрхлэх газрын дарга Д.Амарбаясгалан шүүр ажиллагааны талаар мэдээлэл өглөө. Тэрбээр “Эхний ээлжид хуулийн зөрчилтэй хэсгийг чөлөөлнө. Мөн төрийн байгууллагад ажиллаж байгаа төрийн албан хаагчдаасаа мэдээллийш авсаны үндсэн дээр шүүр ажиллагааны хүрээнд хамрагдаагүй үлдсэн хэсэг хүмүүст хариуцлага тооцох ажлыг хоёр дахь шатанд хийнэ. Монгол Улсын Төсвийн хууль өнгөрсөн оны арваннэгдүгээр сард батлагдсан. Хууль батлагдахдаа төсвөөс тэтгэврийн насны буюу тэтгэвэр авч байгаа хүнийг цалинжуулахгүй байх заалт орсон. Өнөөдрийн байдлаар 6161 төрийн албан хаагчид тэтгэвэр авч байгаа мөртлөө төсвөөс цалинжиж байна. Төрийн тусгай албан хаагчид 156 хүн цэргийн насны тэтгэвэр тогтоолгоод цалингаа аваад явж байна. "Оюутолгой" ХХК-ийн төлөөлөн удирдах зөвлөлийн гишүүнээсээ Н.Багабанди гуай өөрөө чөлөөлөгдөх хүсэлтээ гаргасан. Хоёрдугаарт Бадамсүрэн захирлыг мөн чөлөөлөх шийдвэр гаргасан.