УИХ-ын гишүүн Н.Наранбаатар, Д.Бат-Эрдэнэ, Т.Аюурсайхан нарын бүрэн эрхийг түдгэлзүүлэх эсэхийг өнөөдөр хэлэлцэж, Халдашгүй байдлын дэд хорооны гишүүд хуралдлаа. Энэ талаар Халдашгүй байдлын дэд хорооны дарга Ц.Мөнх-Оргил мэдээлэл өглөө.

      Тэрбээр “УИХ-ын Дэгийн тухай хуулийн дагуу Халдашгүй байдлын дэд хороо хуралдаж, Ерөнхий прокурорын саналыг хэлэлцлээ. Хуралдаанаар УИХ-ын гишүүн Н.Наранбаатар, Д.Бат-Эрдэнэ, Т.Аюурсайхан нарын бүрэн эрхийг түдгэлзүүлж, хуулийн байгууллагын мөрдөн шалгах ажиллагааг шуурхай явуулж, тэднийг гэм буруутай эсэхийг тогтоох боломж олголоо. Дэд хорооны гишүүд гурван гишүүний эрхийг түдгэлзүүлж, шалгуулах саналыг 100 хувь дэмжсэн. Гишүүд гэм буруутай юу, үгүй юү гэдгийг шүүх тогтооно. Манай хороо Ерөнхий прокурорын саналыг хүлээн зөвшөөрөх эсэхийг найман цаг хуралдаж байж тэднийг шалгуулахад саналд нэгтгэсэн” гэлээ.