Халимагийн олон нийтийн зүтгэлтэн Батыр Боромангнаев Монгол Улсаас улс төрийн орогнол хүсэхээр ирсэн ч "Чингис хаан" нисэх буудлаас гарч чадахгүй байгаа талаар мэдээллээд буй. Тэгвэл энэ талаар Гадаад харилцааны сайд Б.Батцэцэг мэдээлэл өглөө.

     Тэрбээр "Батыр Боромангнаев ОХУ-ын иргэн  хоёрдугаар сарын 23-нд Хүннү Эйр компанийн нислэгээр манайд ирсэн. Тус иргэний гадаад паспортын хугацаа дууссан байсан. Хийлийн зурваст зургаа хонуулаад, өөрийнх нь хүсэлтээр гадагшаа гаргасан. Гадаад харилцааны яамнаас олон улсад хандаж, ярьж тохирсон зүйл бий. Манай төрийн байгууллагууд хуулийн хүрээнд ажилласан. Өнөөдөр Монгол Улсын хилээр 12:45 цагт албан ёсоор гарсан. Мөн өөрийнх хүсэлтийн дагуу аль улс руу явсныг нь хэлэх боломжгүй. Манайх дүрвэгсэдийн олон улсын конвенцид албан ёсоор нэгдээгүй. Бид хүмүүнлэгийн тусламж үзүүлэх боломжтой" гэлээ.