Дэлхий нийт Ковид-19 халдварын эсрэг вакциныг хүлээж байна. Манай улс ДЭМБ-аас хэрэгжүүлж буй хөтөлбөрт хамрагдаж вакцин авах хүсэлтээ өгөөд буй юм. Ингэхдээ хүн амын 60 хувьд нь вакцин хийх захиалгыг өгчээ. Харин үлдсэн 40 хувь буюу хүүхдүүдэд вакцин хийхгүй гэсэн саналтай байгааг Сангийн сайд Ч.Хүрэлбаатар хэлсэн. Одоогоор батлагдсан вакцин хараахан гараагүй байгаа. Вакцин бэлэн болсон тохиолдолд мөнгөтэй улс орнууд түрүүлээд аваах магаадлал өндөр байгаа юм. Энэ талаар УИХ-ын гишүүд байр сууриа илэрхийлж байна. Тухайлбал, манай улсад Вакцин орж ирэх гэж удах юм байна, заавал ДЭМБ-ыг харах шаардлага байхгүй гэх саналуудыг гаргасан. Тэгвэл Монгол Улсын Ерөнхийлөгч асан Ц.Элбэгдорж “Вакцин олоод үр гээд үүрэг өгвөл явахад бэлэн. Европ, Америк, Япон, ДЭМБ, НҮБ, ДБ, АХБ гээд хэсэхэд ганзага хоосонгүй л ирэх байх” хэмээн жиргэжээ.