Засгийн газар ээлжит хуралдаанаараа эдийн засгийг дэмжих чиглэлээр авах арга хэмжээний талаар хэлэлцэж байна. Монгол Улсын Ерөнхийлөгч Х.Баттулга өчигдөр буюу арваннэгдүгээр сарын 17-нд Ерөнхий сайд У.Хүрэлсүхд хөл хорионы хатуу дэглэмийн үед иргэдийн амьдрал хэвийн үргэлжлэх, удаан тэсэх боломжгүйг сануулж, өрх бүрт бодит дэмжлэг бүхий бодлого хэрэгжүүлэгхийг үүрэг болгосон. Үүнд өрх бүрт нэг сая төгрөг олгох хөтөлбөр боловсруулж, ирэх арванхоёрдугаар сарын 1-нээс 2021 оны нэгдүгээр сарын 1-ний дотор хэрэгжүүлэх, аж ахуйн нэгж байгууллага, иргэдийн нийгмийн даатгал, хүн амын орлогын албан татвараас чөлөөлөх зэрэг дэмжлэг багтсан.

Харин иргэдийн зээлийг хойшлуулах болсон тухай хариу бичигтээ дурджээ

Тэгвэл өнөөдөр Засгийн газар өрх бүрт нэг сая төгрөг олгох боломжгүй хэмээн хариу бичиг хүргүүлжээ. Тодруулбал, Засгийн газрын зүгээс цар тахлын тархалт нэг сарын хугацаанд өрнөх асуудал биш учир зах зээлд гурван их наяд төгрөг нийлүүлэх боломжгүй гэж үзсэн байна. Харин иргэдийн зээлийг хойшлуулах болсон тухай хариу бичигтээ дурджээ.