УИХ-ын чуулганы нэгдсэн хуралдаанаар УИХ-ын хяналт, шалгалтын тухай хуулийн төсөл болон хамт өргөн мэдүүлсэн хуулийн төслийг хэлэлцэж байна.

        Хуулийн төсөлтэй холбоотой УИХ-ын гишүүд асуулт асууж, хариулт авлаа. Энэ үеэр УИХ-ын гишүүн Ц.Даваасүрэн "Мөрдөн шалгах арга хэрэгслээр гэсэн заалтыг хасчихжээ. Манайхан хууль, хүчний байгууллагынханд долгинох юм аа. Хүчний байгууллагынхныг уг нь бид хянах ёстой. Бүх хэргийг бид үзнэ гээгүй. Дарж, нуугаад байгааг нь үзье гэж байгаа шүү дээ. Тэгж байгаад л хөөн хэлэлцэх хугацаа нь дуусдаг, нуудаг. Цаана нь хүний эрх ярьж байгаа шүү дээ. Мөрдөн шалгахгүй яаж илрүүлэх юм. Ер нь хууль, хүчнийхний хэргийг дардаг юм билээ. Хүчний байгууллагын авилгын хэргийг ярьдаг хэр нь яагаад илрүүлдэггүй юм. Би түрүүн нэг хэргийг дарсан талаар хэлсэн. Тэд гэмт хэрэг хийж болох ёстой юм уу. Нөгөө хуулийнхных нь улстөрчдийн утсыг дураараа чагнана, хэвлэл мэдээллийн хэрэгслээр мэдээлэл гаргана. Ажлын хэсэг дээр хэдэн мөлийсөн гишүүн оруулчихсан. Хуулийг ингэж мөлийлгөхгүй" гэлээ.