Э.Бат-Үүл, Б.Чулуудай нарын 11 хүнд холбогдох шүүх хурал долоо хоног үргэлжилж, өчигдөр шүүхийн шийдвэр гарсан байна. Шүүхийн шийдвэрээр Э.Бат-Үүл, түүний хүү Б.Чулуудай нарыг гэм буруутайд тооцож гурван шүүгдэгчийг цагаатгаж шийдвэрлэсэн байна. Гэм буруутай шүүгдэгч нарт ял оноох хурал өнөөдөр болох аж.

    Эргэн сануулахад, Нийслэлийн Засаг дарга бөгөөд Улаанбаатар хотын захирагч Э.Бат-Үүл эрх мэдлээ урвуулан ашиглаж, ТОСК-ын гүйцэтгэх захирал А.Гантулгыг удаа дараа дарамтлан Хөгжлийн банкнаас орон сууц барих зориулалтаар олгосон зээлийн хөрөнгөөс есөн тэрбум төгрөгийг “Бэрэн групп” рүү шилжүүлэх шийдвэр гаргуулсан гэх үндэслэлээр шалгагдсан юм. Улмаар тус групп нь Э.Бат-Үүлийн хүү Б.Чулуудайн эзэмшдэг “Гранд лайн” ХХК-ийг 5.5 тэрбум төгрөгөөр худалдан авч, улсын төсөвт их хэмжээний хохирол учруулсан гэх.