Өмнөд Африкийн Бүгд Найрамдах Улсын мэргэжилтнүүд коронавирусийн олон мутацтай, шинэ хувилбарыг илрүүлснээ өчигдөр зарласан.

      Тэгвэл уг шинэ хувилбарыг ДЭМБ “аюултай” ангилалд оруулж, “Омикрон” үсгээр нэрлээд байгаа юм. УОК энэ асуудлаар хуралдаж, зарим шийдвэрийг гаргалаа. Түүнчлэн энэ вирусийн талаар Эрүүл мэндийн сайд С.Энхболд "Нийгмийн сүлжээгээр энэ вирусийг ДОХ-той хавсарсан гэсэн мэдээлэл цацагдаж байгаа. Энэ бол ор үндэслэлгүй мэдээлэл. Хамгийн гол нь энэ вирус дархлаа султай хүний биед үүссэн гэж үзэж байгаагаас биш ДОХ-той хүнээс халдварлаж байгаа юм биш. Гол нь энэ вирус дархлалд дарангуйлагдсан хүнд илүү халдварладаг. Өмнөд Африк нь ДОХ-ын өвчлөлөөр өндөр учраас ийм мэдээлэл цацагдаад байгаа юм" гэлээ.