БНХАУ хилээ хаагаад сарын хугацаа өнгөрч байна. Энэ талаар Гадаад харилцааны дэд сайд Б.Мөнхжин мэдээлэл өглөө. 

          Гадаад харилцааны дэд сайд Б.Мөнхжин “БНХАУ хилээ хаагаагүй. Автозамын тээвэр, зорчигч тээвэр хязгаарлалттай байгаа. Одоогоор төмөр замын тээвэрлэлт хэвийн явагдаж байна. Бараа эргэлт, ачилт хэвийн байгаа. Ирэх 20 хоногт автозамын тээвэрлэлт, бараа солилцоог хэрхэн хийх вэ гэдэгт анхаарч ажиллана. БНХАУ-ын талаас бараа солилцоог сайжруулах тал дээр хэрхэн ажиллах вэ гэсэн санал гаргасан. Тухайлбал, жолооч нар халдварын дэглэмээ сахиад, хавьталд орохгүй, хилийн 0 цэг дээр чингэлгээ солилцъё гэсэн дөрвөн санал гаргасан. Эрээн хотын зүгээс тавьсан эл саналыг бид хүлээж авсан. Бид 20 хоногийн дотор жолооч нараа, чингэлгээ бэлтгэх, хилийн цэгийн талбайг засах ажлууд хийнэ. Энэ ажлыг 20 хоногийн хугацаанд хийх бүрэн боломжтой ба бэлтгэл хангагдчихвал авто замын тээвэрлэлт бүрэн хийгдэх бололцоотой гэж үзэж байна” гэлээ.