УИХ дахь намын бүлгүүд өнөөдөр хуваарийн дагуу хуралдана. Тэгвэл УИХ дахь Ардчилсан намын бүлэг хуралдаж цаг үеийн асуудлыг хэлэлцэж байгаа аж. Тус намынхан дотроо маргаантай байгаа. Тодруулбал, Бүлгийн дарга Д.Ганбат УИХ-ын гишүүн Ц.Туваан, Ж.Батсуурь, Н.Ганибал нарыг Ардчилсан намаас хөөсөн учир бүлгийн хуралдаанд оролцуулахгүй хэмээн мэдэгдэж байв. Мөн УИХ-ын гишүүн С.Ганбаатар, Н.Алтанхуяг нарыг бүлгийн гишүүн биш учир хуралдаанд оролцох эрхгүй гэдгийг мэдээлсэн. Харин намаассаа хөөгдсөн гэх гурван гишүүн мэдээлэл хийж, Д.Ганбатыг бүлгийн даргаас чөлөөлж, Н.Ганибалыг түүний оронд томилсон гэсэн юм. Ийн дотоод маргаанаа шийдэж чадаагүй Ардчилсан намын бүлгийн дарга ч хоёр болоод буй.

      Ийн маргаантай байсан бүлгийн хуралдаан өнгөрсөн долоо хоногт ирц бүрдээгүй тул хуралдаагүй юм. Харин өнөөдөр хөөсөн болон хөөгдсөн гишүүд хамтран бүлгийн хурлаа хийж байгаа аж. Бүлгийн дарга Д.Ганбатаас зарим зүйлийг тодруулахад "Би бүлгийн дарга хэвээр байгаа. Бүлгийн гишүүдийг хасах эрх бүхий хүн нь биш. Тэр намын шийдвэр байсан. Энэ талаар бид дахин ярилцъя гэсэн шийдвэртэй байгаа. Өөрөөр хэлбэл, бүлгийн дотоод асуудлыг гадагшаа гаргахгүй байх талаар бид ярилцсан" гэх тайлбарыг өгч байсна билээ.