Баянзүрх дүүргийн Иргэдийн төлөөлөгчдийн хурал өнөөдөр болж байна. Хурлаар тус дүүргийн ирэх оны төсөв болон цаг үеийн асуудлыг хэлэлцэхээр товлосон байна. Ирэх жил Баянзүрх дүүрэгт шинээр 15 хороо нэмж байгуулах санал гаргаж, хуралдаанаар танилцуулжээ. Энэ асуудлыг тус дүүргийн зарим төлөөлөгч эсэргүүцэж буйгаа илэрхийллээ. Баянзүрх дүүргийн Ардчилсан намын төлөөлөгч "Өнөөдөр Баянзүрх дүүргийн ИТХ-ын хурлаар үндсэн таван асуудал хэлэлцэнэ. Үүний нэг нь дүүргийн хороодыг хувааж, 43 болгох асуудлаар бид байр сууриа илэрхийлж байна.

        Өнөөдөр 28 хороотой байсныг 43 болгох төсөл хэлэлцэх нь. Үүнд дүүргийн Ардчилсан намын бүлэг эсрэг байр суурьтай байна. Учир нь, энэ дүүрэг 360 гаруй мянган хүн амтай. Энэ дүүрэгт цар тахал илэрснээс хойш 300 гаруй иргэн нас барчихаад байна. Иргэд шинжилгээ өгч чадахгүй хэцүү үед 15 хороо шинээр нэмж, 15 дарга нэмэх гэж байгааг бодох хэрэгтэй байна. Хоёрдугаарт, хороодын бүтцийг хувааж, төрийн бүтцийн данхаалгаж байгаа энэ үйлдэл нь иргэдэд маш их хүндрэл учруулна. Иргэний үнэмлэхний дугаар, газрын гэрчилгээ солигдоно. Хурлын дарга нь хууль тогтоомжоо мэддэггүй, хууль бус шийдвэр гаргадаг. Хурлын дарга нь өөрийнхөө эрх хэмжээнд байхгүй захирамж гаргаж байна" гэлээ.