Монгол Улсын Ерөнхийлөгчийн 2021 оны ээлжит сонгуульд 26.9 тэрбум төгрөг зарцуулж буй. Хэрэв ирц хүрэхгүйгээс үүдэн нөхөн сонгууль зохион байгуулбал нэмж найман тэрбум төгрөг зарцуулах талаар СЕХ-ны дарга П.Дэлгэрнаран мэдээллээ.

Тэрбээр “Ерөнхийлөгчийн сонгууль хуулиар хоёр шаттай. Эхний санал хураалтаар хэн нэгэн нэр дэвшигч олонхын санал авч чадаагүй бол хамгийн олон санал авсан хоёр нэр дэвшигчийг хоёр дахь шатанд нэрсийн жагсаалтад үлдээж дахин санал хураадаг. Сонгуулийн ерөнхий хороо 14 хоногийн дараа шийдвэр гаргана. Хоёр дахь шатанд гарах сонгуулийн зардлыг улсын төсвийн нөөцийн хөрөнгөөс зарцуулах зохицуулалттай. Бидний тооцооллоор хэрэв хоёр дахь шатны сонгууль зохион байгуулбал найман тэрбум зарцуулахаар байна. Бид сонгогчдодоо итгэж байна. Эцсийн шийдвэрийг сонгогчид гаргана” гэв.