Яруу найрагч Зос овогт С.Билигсайхан агсны хайку шүлгээс бүтсэн "Тээр дээр нисэх шувуу" номын нээлт энэ сарын 7-нд болно. Энэхүү ном нь гэрэл зурагчин У.Ганбаярын гэрэл зурагтай хослон гарч байгаагаараа онцлог байна. Номын нээлт "CHUU CHUU HOUSE"-д болох юм. С.Билигсайхан агсны хувьд 2006 онд "Өвс өвсөө үнснэм" шүлгийн түүврээ хэвлүүлсэн байдаг.

          Тэрээр анх яруу найраг, зохиол бичих болсон тухайгаа "Дөрөвдүгээр ангид байхад манай нутагт алганы хээ үзэж, хувь тавиланг нь хэлж өгдөг гээд нэг бүдүүн эгч ирсэн юм. Тэр хүн сумын захиргааны тэнд сууж байна гэхээр нь хоёр найзтайгаа гүйгээд очлоо. Тэгсэн миний алгыг харж байснаа “Хөөх, миний дүү чинь зохиолч болох хүн байна шүү дээ. Бийр янтай л харагдаж байна. Жаахан хичээвэл маш мундаг зохиолч болох юм байна” гэж хэлсэн. Сонин байгаа биз. Тэгээд л өөрийгөө зохиолч болно гээд бодчихсон, юм л бол үзэг, цаас барьж аваад л юу ч хамаагүй бичнэ. Бичсэн бүхэн минь яруу найраг байгаа юм чинь, тухайн үед. Тэр хүн миний сэтгэл дотор нэг цучил асаачихсан хэрэг. Хүн бүхэн багадаа бусдаас онцгой хүн байх юмсан гэж боддог, мөрөөддөг шүү дээ. Яг түүн шиг мөрөөдөл намайг бүчээд авсан байх тэр үед" гэж ярьсан байдаг.

 Түүний манай сайтад өгсөн "С.Билигсайхан: Эх оронд нь очиж, хэлийг нь сураад, сор бүтээл бүтээгээд Нобел аваад ирье л гэж бодсон" гэх ярилцлагыг бүрэн эхээр нь гарчиг дээр нь дарж уншаарай.