Утга зохиолын салбарын оны шилдэг бүтээл шалгаруулахаар жил бүр уламжлал болгон зохион байгуулдаг “Алтан өд 2020” наадмын шилдгүүд тодорчээ. Өнгөрсөн жилүүдийн наадамд орсон зохиолч, орчуулагчдын нэр солигдож, утга зохиолын нэгэн үеийг шинэчлэн өөрчилсөн тус наадам 20 дахь удаагаа зохион байгуулагдаж байна.

ХҮҮХДИЙН ЗОХИОЛЫН ТӨРӨЛ

       20 дахь удаагаа уламжлал болгон зохион байгуулж буй “Алтан Өд 2020” наадмын хүүхдийн зохиолын төрөлд нийт 18 бүтээл ирснээс зохиолч М.Доржсүрэнгийн “Цэцгэн зүүд” шалгарсан байна.

ЯРУУ НАЙРГИЙН ТӨРӨЛ

       Уг төрөлд нийт 23 бүтээл ирснээс яруу найрагч Л.Лхамрагчаагийн “Сүбээдэй баатар” тэргүүн байр эзэлжээ.

ҮРГЭЛЖИЛСЭН ҮГИЙН БОГИНО ХЭМЖЭЭНИЙ ТӨРӨЛД

       Есөн бүтээл ирснээс зохиолч Л.Гантуяагийн “Үр хурмастын өмнө” бүтээл шалгарсан.

ҮРГЭЛЖИЛСЭН ҮГИЙН ТОМООХОН ХЭМЖЭЭНИЙ ТӨРӨЛД

       Нийт зургаан бүтээл ирснээс зохиолч Б.Сарантуяагийн “Тогосын цөс” ном шалгарав.

БАРИМТАТ болон ШОГ ХОШИН ЗОХИОЛЫН ТӨРӨЛД

       Уг төрөлд нийт найман бүтээл ирснээс зохиолч Д.Дамдинжавын “Гол тоглогч” цуврал бүтээлийн хоёр, гуравдугаар боть тэргүүлжээ.

ОРЧУУЛГЫН ЗОХИОЛЫН ТӨРӨЛД

       Орчуулгын зохиолын төрөлд зургаан бүтээл ирснээс орчуулагч С.Дондогийн “Лерментов” уран бүтээлийн түүвэр шалгарсан аж.

ЖҮЖИГ, КИНО ЗОХИОЛЫН ТӨРӨЛД

       Нийт таван бүтээл ирснээс зохиолч Б.Цогнэмэхийн “Бурхан жанжин ноён” бүтээл тэргүүлэв.

ШҮҮМЖ, СУДЛАЛЫН ТӨРӨЛД

       Шүүмж, судлалын төрөлд нийт таван бүтээлс ирснээс яруу найрагч, уран зохиол шинжээч Б.Алтанхуягийн “Уншихуйд автахуй” бүтээл шалгарчээ.