Хүүхдийн зохиолч О.Сундуй Монгол Улсын Соёлын гавьяат зүтгэлтэн цол хүртлээ. Тэрбээр төрөлх сумандаа 20 настайдаа бага ангийн багшаар ажилллаж эхэлсэн цагаас бага насны хүүхдийг уран зохиол дуртай болгох, тэдэнд зориулж зохиол бичих ажлаа эхэлсэн байдаг.  Энэ хугацаанд хүүхдэд зориулж шүлэг, өгүүллэг, орчин үеийн үлгэр, туужийн 30 гаран ном, 10 гаруй жүжиг, гурван кино, олон дууны шүлэг бичиж нийтийн хүртээл болгосон байна. "Хүүхэлдэйн чинээ ээж", "Долоон хожгор нэг можгор" зэрэг бүтээлийг ч уншигчдадаа хүргэсэн.

      Мөн хүүхдийг уран зохиолд дуртай болгохын тулд жил бүр олон хүүхэдтэй уулзаж, ном уншиж өгч захидлаар харилцсан байна. Зохиолчтой багаасаа хамтран ажилладаг хүүхдүүдийн ном уншаад бичсэн олон шүлэг, үлгэр, сэтгэгдэл захидал ч бий аж.