Энэтхэг-Английн зохиолч Салман Рушдигийн “Флоренцийн шидэт гүнж” роман хэвлэлтээс гарчээ.

                                Тус номыг Мишима Юкиогийн "Алтан асрын сүм", "Нобелийн шагналт өгүүллэгүүд"(Альбер Камюгийн "Үнэнч биш эхнэр", Сартрын "Хана"), Абэ Кобогийн "Элсний хүүхэн", Уильям Фолкнерийн "Эмилид барих сарнай", "Хар инээд", Владимир Набоковын "Утга зохиолын лекцүүд", Самуэл Бэккэтийн "Годоог хүлээх зуур" жүжиг тэргүүт дэлхийн сонгодог зохиол, жүжгүүдийн хөрвүүлэн уншигчдын хүртээл болгосон орчуулагч Ц.Цэнгэл орчуулсан бөгөөд редактораар нь СУИС-ийн хүндэт профессор, зохиолч, яруу найрагч О.Содномпил ажилласан юм.

 Зохиолч Салман Рушдиг XXI зууны хамгийн дуулиантай зохиолч гэх нь бий. Өдгөө 75 настай Салман Рушди 1988 онд "Сатаны шүлгүүд" нэртэй роман хэвлүүлж, Исламын шашны үнэт зүйлсэд халдсан хэрэгт буруутгагдаж, Шашны шүүхээс цаазаар авах ял сонссон юм. Исламын хамгаалагчид уг ялыг гүйцэтгэхэд хэзээд бэлэн учир Салман Рушди Английн цагдаагийн хатуу хамгаалалтад олон жилийн турш хилийн чанадад амьдарч байв. Харин 1998 онд Ираны шашны тэргүүн Аяатолла Хомэйн уншсан цаазлах ялыг Ираны Засгийн газраас дэмжихгүйгээ мэдэгдэж, Салман Рушди олон нийтэд гарч ирэх нь бага багаар нэмэгдсэн байдаг. Улмаар зохиолч Салман Рушди “Флоренцийн шидэт гүнж” номоо анх 2008 онд Америкт хэвлүүлсэн бөгөөд түүний ес дэх роман юм.