ОХУ-д  Тверь хотод Оросын дуурийн алдарт тенор, Ардын жүжигчин Сергей Яковлевич Лемешевийн нэрэмжит олон улсын дуурийн залуу дуулаачдын IV уралдаан болж өндөрлөсөн байна. Тус уралдааныг ОХУ-ын Соёлын яамны ивээл дор Тверь мужийн захиргаа, ОХУ-ын Засгийн газар, Соёлын яамнаас дөрөв дэх жилдээ зохион байгуулжээ.

      Тверийн Улсын эрдмийн филармонид болсон уг уралдааны гала тоглолтод ОХУ-ын Гнесиныхны нэрэмжит “Хөгжмийн академи”-ийн сонгодог дуурийн урлагийн магистрантурын төгсөгч, дуурийн дуучин, баритон Б.Доржнамжин С.Лемещевийн олон улсын дуурийн дуулаачдын IV уралдааны финалист бөгөөд дипломант, Казахстан Улсын Астанагийн ДБЭТ-д гоцлон дуулж буй манай шилдэг баритонуудын нэг болох Х.Мөнхтүвшин нар оролцож, гуравдугаар байрын шагнал хүртсэн байна.

     Энэхүү уралдаанд ОХУ, БНХАУ, Монгол Улс, Казахстан, Беларусь, Армени, Узбекистан, ОХУ-ын Абхазын Бүгд  улсаас шалгарсан дуучид нийт гурван шатанд Оросын болон дэлхийн хөгжмийн сонгодог бүтээлүүдээс дуулж хасагдах зарчмаар өрсөлджээ. Уралдааны шүүгчдээр  Германын “Accademia Granforte” уран сайхны удирдаач, профессор Агакулиев Эльхан, Сербийн нэрт баритон, Белградын дуурь, бүжгийн “Мадленианум” театрын захирал, профессор Никола Мияилович, Швейцарын “Тайзны урлагийн удирдлага”-ын ерөнхий захирал, Сонгодог урлагийн Аспендос наадмын захирал бөгөөд зөвлөх, Венецийн “Dimensione Lirica” удирдах зөвлөлийн гишүүн Виктор Бокма нар ажиллассан байна.