Энэ удаагийн “Оюунт Монгол” буландаа 2016 онд анхны “Famous Men” цомгоо гаргаснаасаа хойш өнөөг хүртэл идэвхтэй уран бүтээл туурвиж буй инди фолк урсгалын дуучин Magnolian буюу Б.Дөлгөөнийг урьж, оролцууллаа.

       Дэлхийн хамгийн том амьд хөгжмийн наадам “SXSW”-д Монгол Улсаа төлөөлөн хоёр удаа оролцож, хэд хэдэн олон улсын фестивальд уригдаж, өнгөрсөн жил өөрийн хоёр дахь “Slow Burn” цомгоо өлгийдсөн тэрбээр Монголын шилдэг 10 уран бүтээлчийг нэрлэсэн юм. Ингэхдээ дуу хөгжим, хувцас, дизайн, зураг, комедиан гээд Монголын нэрийг дэлхийд гаргаж буй уран бүтээлч залуусын төлөөллийг нэрлэсэн бөгөөд яагаад тэднийг онцлох болсноо цөөн үгээр тодотголоо.

1. "Mohanik" хамтлаг

       Монгол гэх нэрийг илэрхийлэх дуугаралтыг рок хөгжимтэй төгс хослуулж чадсан хамтлаг.

2. "Legerement" хувцасны брэнд

       Минимал загвартай уг брэндийн хувцсыг өмсөхөд их эвтэйхэн, таатай санагддаг.

3. "Bharmoney" хамтлаг

       Коктейль найруулах урлагийг Монголд сурталчлан таниулж буй бартендер хамтлаг.

4. Дизайнер Tonicana

       Бүхий л зүйл дээр дизайныг хэрхэн зөв ашиглаж, сайн хэрэгжүүлж болохыг амьдралаараа харуулж буй нэгэн.

5. Граффити уран бүтээлч Heesco

       Граффити уран бүтээлээр Монгол гэх нэрийг, өнгийг өөрийнхөөрөө илэрхийлж буй уран бүтээлч.

6.Комедиан Б.Батбилэг

       Монголд комеди урлагийн нэгэн шинэ салбарыг нээж, таниулж буй залуу.

7. Гэрэл зурагчин В.Инжинааш

       Монгол гэх нэрийг баримталж буй зураглаач.

8. Зураглаач, найруулагч Н.Билгүүн

          Монголын дуу хөгжмийн урлагийн дүрс бичлэгт шинэ өнгө төрх нэмж, шинийг эрэлхийлж буй уран бүтээлч.

9. Зураач Батка

       Орчин үеийн Монгол залуусын соёл, мэдрэмж, сэтгэлгээг дүрслэх урлагаар маш гарамгай илэрхийлж чаддаг.

10. "Enji’s Sister" хамтлаг

       Монголд жазз урсгалын нэгэн шинэ өнгө төрхийг нэмж, хөгжүүлж буй гурван охины нийлж, байгуулсан хамтлаг.