Богино өгүүллэгийн мастер Ж.Лхагвын орчуулгаар “Цэнгэг цөөрөм” өгүүллэгийн түүврийг 43 жилийн дараа ахин хэвлэхээр болжээ. Тус ном нь ОХУ-ын хүүрнэл зохиолч Юрий Нагибины өгүүллэгийн түүврээс бүрдэж байгаа бөгөөд хөнгөн, романтик аястайгаараа онцлог юм.

     Шинээр хэвлэх бүтээлд редактор Д.Алтанхуяг, уран сайхны редактор Д.Алтанхуяг , Д.Сандагдорж, техник редактор Д.Бодула нар оролцсон бол хавтасны зураачаар Н.Зулцэцэг, зураачаар Ц.Байды, эх бэлтгэгчээр Ц.Байгалмаа, дизайнераар Э.Баярмагнай зэрэг уран бүтээлч ажилласан байна.

    Ж.Лхагва нь "Толгодын цаана ингэ буйлна","Шөнө ногоо ургадаг" номоороо 1991 онд Монголын Зохиолчдын Эвлэлийн шагнал, 1994 онд "Шөнө дунд утас дуугарав" өгүүллэгээрээ "Шувуун саарал" богино өгүүллэгийн наадмын тусгай байрын шагналыг , 1995 онд "Бид ялав" өгүүллэгээрээ  "Утгын   чимэг" богино өгүүллэгийн наадмын тэргүүн байрын шагналыг тус тус  хүртсэн богино өгүүллэгийн нэр мастер зохиолч билээ.