Улсын хэмжээнд нэгдүгээр сарын 25-31-ний өдрүүдэд нийслэлийн зургаан дүүрэг, 18 аймгийн 30 суманд нийт 234 удаагийн аюулт үзэгдэл, ослын дуудлага бүртгэгджээ. Үүний 152 нь биологийн гаралтай аюулт үзэгдэл, 52  нь гал түймэр, 11 нь хүний үйл ажиллагаатай холбоотой осол, 19 нь геологийн гаралтай аюулт үзэгдэл аж. Аюулт үзэгдэл, ослын улмаас хоёр иргэн  нас барсан бол гэмтэж, бэртсэн нийт 157 тохиолдол бүртгэгдсэн байна гэж Онцгой байдлын ерөнхий газраас мэдээллээ.