Испанийн Сеута хотод Мароккогийн 8000 гаруй цагаачид нэвтэрсэн тул Испанийн эрх баригчид Сеута хотод цэргийн хүчээ байршуулсан байна. Хоёр өдрийн дотор 8000 гаруй цагаачид хил даван нэвтэрсэн бөгөөд тэдний дунд 1500 гаруй насанд хүрээгүй хүүхэд багтжээ. Цагаачид хоёр улсын хилийг сэлж нэвтэрсэн гэв.

Испанийн Ерөнхий сайд Педро Санчес “Цагаачдын тал орчим хувийг нь Марокко руу буцааж, дэг журмыг сэргээнэ” гэж мэдэгджээ. Ойрын өдрүүдэд Марокко болон Испани Улсын хоорондын харилцаа хурцадмал байдалд шилжиж буй бөгөөд Марокко Улсын эрх баригчид Испани дахь элчин сайдаа зөвлөлдөхөөр эргүүлэн татаад буй аж.