Израиль болон Палестинчуудын мөргөлдөөн найм дахь хоногтоо үргэлжилж буй. НҮБ-ийн мэдээлж буйгаар Израилийн армийн Газын зурвас руу агаарын цохилт өгч 450 гаруй барилга нурсан бөгөөд 52 мянга гаруй Палестинчууд  орон гэргүй болсон гэв.

47 мянга гаруй хүнийг 58 сургуулийн байр руу нүүлгэн шилжүүлээд байна гэж нэмж мэдээлжээ. НҮБ-ийн Хүмүүнлэгийн асуудлыг зохицуулах газрын хэвлэлийн төлөөлөгч Женс Лаерке “132 барилга нурж, 316 барилга их хэмжээний хохирол амссан бөгөөд үүнд зургаан эмнэлэг, есөн Эрүүл мэндийн байгууллага өртсөн” гэжээ.