“Ертөнцийн мисс” тэмцээний үеэр Сингапур, Уругвай, Мьянмар зэрэг улсын гоо бүсгүйчүүд тайзан дээр өөрсдийн дуу хоолойгоо илэрхийлжээ.  

Өнгөрсөн ням гарагт Флорида хотод зохион байгуулагдсан тэмцээний үеэр “үндэсний хувцас” төрөлд оролцсон гурван оролцогч Азиудыг ялгаварлан гадуурхахын эсрэг, ЛГБТ олон нийтийг ялгаварлан гадуурхах, Мьянмарын улс төрийн эргэлтийн эсрэг үзэл бодлоо илэрхийлсэн байна. Сингапурын мисс Бернадит Белле Онг Сингапурын төрийн далбаанаас санаа аван хувцсаа гоёж “Азиудыг үзэн ядахаа зогсооё” гэж уриалжээ.

Уругвайн мисс Лола дэ Сантос “ЛГБТ олон нийтийг үзэн ядаж, ялгаварлан гадуурхах ёсгүй” хэмээн солонгон далбаатай хувцас өмсөв.

Мьянмарын мисс Тюзар Винт Лвин өөрийн үндэсний хувцсаа өмсөн “Мьянмарын төлөө залбираарай” гэсэн лоозон барьжээ. Мөн тэрбээр тайзан дээр “Манай ард түмэн үхэж байна” хэмээн Мьянмарын төрийн эргэлтийн эсрэг үзэл бодлоо илэрхийлсэн юм. “Ертөнцийн мисс” тэмцээний ялагчаар Мексикийн гоо бүсгүй шалгарсан бөгөөд “Үндэсний хувцас” төрөлд Мьянмарын гоо бүсгүй шилдгээр шалгарсан байна.