Өнгөрсөн баасан гарагт Афганистаны нийслэл Кабул хотын захад орших нэгэн сүмд Ид Аль Фитр шашны баяр тэмдэглэж байсан мөргөлчид дэлбэрэлтэд өртөж, 12 хүний амь эрсэдсэн хэмээн мэдээлжээ. Кабул хотын цагдаагийн байгууллага 12 хүн нас барж, 15 хүн хүнд бэртсэн гэж мэдэгдсэн байна.

Баярын гурван өдөр эв найрамдал зарласан авч тус халдлагыг “Талибан” бүлэглэл буруушааж буйгаа мэдэгдсэн байна. Тус хотод өнгөрсөн долоо хоногт дунд сургуульд мөн дэлбэрэлт болж, 80 гаруй хүн амиа алдсаны ихэнх нь насанд хүрээгүй хүүхэд байв. Тус хэргийг мөн л хэн ч хийсэн нь тодорхойгүй үлдсэн билээ. Афганистаны зэвсэгт бүлэглэл гэмгүй иргэд рүү дайрах явдал ихсэж буй нь эрх баригчдын санааг зовоож байна.