ОХУ-ын Казань хотын дунд сургуульд өсвөр насны зэвсэгт этгээд халдаж, гэмгүй есөн хүний аминд хүрчээ. Хохирогчдын ихэнх нь насанд хүрээгүй хүүхдүүд байсан гэж албаныхан мэдэгджээ.

Уг халдлага Казанийн 175-р сургуульд болсон бөгөөд нэг багш, нэг ажилтан, наймдугаар ангийн долоон сурагч буудуулж амиа алдсан байна. Мөн 18 сурагч, гурван насан хүрэгчид бэртэл авч эмнэлэгт хүргэсэн гэв.

Цагдаа нар гал нээсэн этгээдийг баривчилсан бөгөөд халдлага үйлдсэн шалгаан нь одоогоор тодорхойгүй байна. Сурагчид 10 хоног амраад хичээл эхэлсэн эхний өдөр уг явдал болсон бөгөөд Ерөнхийлөгч Владимир Путин галт зэвсгийн хяналтын хуулийг яаралтай чангатгах тушаал гаргажээ.