Өнгөрсөн лхагва гарагт Индонезид Бали арлын ойролцоо 53 хүн тээвэрлэж явсан шумбагч онгоц сураггүй алга болсон бөгөөд тус улсын Тэнгисийн хүчнийхэн эрэл хайгуул хийж эхэлсэн билээ.

Тэгвэл алга болсон шумбагч онгоцонд явсан 53 хүнийг аврах найдлага тасарч буй аж. Учир нь шумбагч онгоцны хүчил төрөгчийн нөөц хангалттай байгаагүй бөгөөд гурван хоног буюу бямба гарагт олж чадахгүй бол найдлагагүй хэмээв.

Тийм хэдий ч шумбагч онгоц хайх ажиллагаагаа үргэлжлүүлсээр буй бөгөөд Сингапурын аврах баг бямба гарагт, Малайзын туслах баг ням гарагт ирэх ёстой аж.