Австрали Улс БНХАУ-тай хийсэн “Belt and Road” төсөлд хамтран ажиллах гэрээ хэлэлцээрээ цуцалсан явдал Хятадын эрх баригчдыг “уурыг хүргэж”, хоёр улсын дунд хурцадмал байдал үүсгэжээ.

Австрали Улсад суугаа Хятадын элчин сайд уг явдлыг “өдөөн хатгалга” хэмээжээ. “Энэхүү явдал хоёр улсын харилцаанд муугаар нөлөөлнө. Австрали Улсын Засгийн газар хоёр улсын харилцааг сайжруулахад чин сэтгэлээсээ хандахгүй байна” хэмээн мэдэгдсэн байна.

Австралийн Гадаад хэргийн сайд  Марис Пэйн Хятадтай хийсэн хэлэлцээрээс гадна Иран Улстай 2004 онд, Сири Улстай 1999 онд хийсэн шинжлэх ухааны хамтын гэрээгээ мөн цуцалсан гэж мэдэгджээ.

Уг хэлэлцээрүүд нь Австрали Улсад гадаад бодлоготой нийцэхгүй төдийгүй сөрөг нөлөөтэй хэмээн үзсэн байна.