Мьянмарын төрийн эргэлтийг эсэргүүцэгч нар цэргийн хүчнийхний байгуулсан Эв нэгдлийн засгийн газрыг хууль бус хэмээн эсэргүүцэж, хоригдож буй жагсагч нарыг суллахыг шаарджээ.

Өнгөрсөн  хоёрдугаар сарын 1-ны өдөр цэргийн хүчнийхэн эрх баригчдыг унагааж, төрийн эргэлт хийснээс хойш иргэд эсэргүүцлээ илэрхийлсээр байна. Эсэргүүцлийн жагсаалд 738 хүн нас барж 3300 гаруй хүн хоригдож байна хэмээн мэдээлжээ. Тэднээс 20 гаруй хүн цаазын ял сонсоод байна.

Өнөөдөр буюу лхагва гарагт эсэргүүцэгчид хоригдсон хүмүүсийг суллах хүртэл цэнхэр өнгийн цамц өмсөж, баривчлагдсан хүмүүсийг суллахыг шаардсан лоозон барина гэж мэдэгдсэн байна.  Учир нь ардчиллын төлөө тэмцэгч Вин Тиныг дурсаж цэнхэр цамц өмсөж хүндэтгэл үзүүлжээ. Тэрээр цэргийн хүчнийхний гарт 19 жилийн турш хоригдож, 2014 оны дөрөвдүгээр сарын 21-ны өдөр нас баржээ.