Японы дүүргийн шүүх "Ижил хүйсийн гэрлэлтийг хориглох нь Үндсэн хуулийг зөрчсөн хэрэг" хэмээн нэгэн хэрэгт шийдвэр гаргажээ. Япон Улс нь ЛГБТИК гэрлэлтийг хүлээн зөвшөөрдөггүй Их долоогийн ганц орон юм. Мөн Японы үндсэн хуульд “Хоёр өөр хүйсийн хүмүүс гэр бүл болно” гэж заасан байдаг. Гэвч Саппоро хотын шүүх энэхүү хууль нь Үндсэн хуулиар баталгаажсан хүний тэгш байдлыг үгүйсгэж байна гэж үзжээ.

2019 онд 13 хос “Япон Улс ЛГБТИК гэрлэлтийг хориглох нь Үндсэн хуулиар олгогдсон эрхийг зөрчиж байна” хэмээн шүүхэд хандсан байна. Харин уг хэргийг шүүх нааштайгаар хүлээж авч шийдвэрлэжээ.