Франц Улсын католик сүмээс тус улсад 1950 оноос хойш 10 мянга гаруй хүүхэд бэлгийн дарамт, хүчирхийлэлд өртсөн гэх судалгааг урьдчилсан байдлаар танилцуулжээ. 2018 онд католик сүмийн удирдлагууд болон бусад шашны хүрээлэнгүүд хамтран Бэлгийн хүчирхийллийн эсрэг бие даасан хороог байгуулсан.

      Бэлгийн хүчирхийллийн эсрэг бие даасан хорооны Ерөнхийлөгч Жан Марк Совегийн мэдээлснээр тус хороонд өнөөгийн байдлаар нийт 6500 гэрчийн мэдүүлэг, 3000 гаруй хохирогч хандсан байна. Мөн тэрбээр “Урьдчилсан байдлаар гаргасан тоо баримтаас илүү мэдэгдээгүй, нуун дарагдуулсан хэрэг олон байгаа” гэсэн юм.