Франц Улсын өнгөрсөн нэгдүгээр сарын нийт төрөлтийн тоог өнгөрсөн оны мөн үеийнхтэй харьцуулахад 13 хувиар буурсан тухай тус улсын Үндэсний статистик, эдийн засгийн судалгааны хүрээлэнгээс мэдээллээ. Өнгөрсөн сард Францад нийт 53.9 мянган хүүхэд мэндэлсэн нь 1980, 1993 оны эдийн засгийн уналтаас хойш анх удаа 10-аас дээш хувиар буурсан үзүүлэлт аж. Мөн өнгөрсөн жил Франц Улсад нийт 737 мянган хүүхэд төрсөн нь тус улсын хэмжээнд Дэлхийн II дайнаас хойших хамгийн бага үзүүлэлт болсон байна.

        Франц Улсын хэмжээнд төрөлт буурсан талаар тус улсын Үндэсний статистик, эдийн засгийн судалгааны хүрээлэнгийн судалгааны багийн төлөөлөгч “Ковид-19” цар тахал дэгдсэнээс хойш есхөн сарын дотор улсын хэмжээнд төрөлт огцом буурууллаа” хэмээн мэдэгджээ.