Бээжингийн шүүх гэр бүлийн салалтын нэгэн хэрэгт гэрийн ажил хийсэн эхнэртээ нөхөн олговор олгох шийдвэр гаргажээ. Гэрийн ажил хийсний таван жилийн хөлсөнд 50 мянган юань буюу 7700 ам.доллартой тэнцэх нөхөн олговор олгох шийдвэр гаргасан байна.

Энэхүү үйл явдал цахим орчинд маргаан дэгдээсэн төдийгүй зарим хүн гэрийн эзэгтэйн хөлсний хэмжээ бага байна гэж үзжээ. Энэхүү шийдвэр Хятадын иргэний шинэ хууль батлагдсаны дараа гарсан аж.

2015 онд гэр бүл болсон хос Бээжингийн шүүхэд салах өргөдлөө өгсөн байна. Эхнэр нь салах дургүй байсан бөгөөд “Би хүүхэд болон гэр бүлээ асрах үүрэг хүлээгээгүй” хэмээн нөхөн төлбөр нэхэмжилжээ. Бээжингийн шүүх түүний нэхэмжлэлийг харгалзан үзэж нөхөр нь түүнд сар бүр 2000 юанийн тэтгэмж өгч, мөн таван жил гэрийн ажил хийсний хөлсөнд 50 мянган юанийн нөхөн төлбөр төлөх шийдвэр гаргажээ.