Японы автомашин үйлдвэрлэгч “Тоёота” компани Токио хотоос 100 км зайд байрлах Фүжи уулын бэлд “Амьд лаборатори” гэгдэж буй ухаалаг хотыг байгуулах төслөө эхэлжээ. “Woven City” хэмээн нэрлэсэн ухаалаг хотыг Фүжи уулын бэлийн 700 мянган ам метр талбайд байгуулснаар дээрх төслийг хөгжүүлэгчид болон ахмад настнууд зэрэг 360 орчим хүн оршин суух юм.

      “Амьд лаборатори” нь дотроо гурван төрлийн гудамжтай бөгөөд явган зорчигч, тээврийн хэрэгсэл, хувийн хөдөлгөөнт буюу унадаг дугуй зэрэг хэрэгслээр зорчих боломжтой байх аж. Харин оршин суугчдын эрүүл мэндийг хиймэл оюун ухаант технологиор хянаж, роботууд өдөр тутмын ажилд нь туслах гэнэ.