"Оддын дайн" киноны алдарт жүжигчин Жина Карано цахим ертөнцөд үзэл бодлоо илэрхийснийхээ төлөө  ажлаасаа халагджээ.

"Жина Карано "Оддын дайн" кинонд ахин тоглохгүй. Хүмүүсийг соёл, шашнаар нь ялгасан мэдээллийг хүлээн зөвшөөрөх боломжгүй" хэмээн  "Лукас фильм"-ийн хэвлэлийн төлөөлөгч хэлжээ.  Жина ажлаас халагдсанаа удирдах албан тушаалтнаас бус, хэвлэл мэдээллээр мэдсэн байна.

Тэрбээр өөрийн цахим хуудсандаа  "Еврейчүүдийг зөвхөн нацист цэргүүд ч биш, хөршүүд нь, хүүхдүүд хүртэл зоддог байсан. Түүхийг өөрчилсөн учраас олон мянган еврейчүүдийг цуглуулахын тулд Засгийн газар эхлээд хөршүүдийг нь еврей хүн гэж үзэн ядах бодлого явуулсан гэдгийг хүмүүс ихэнх нь ойлгодоггүй. Энэ нь хэн нэгнийг улс төрийн үзэл бодлоос нь болж үзэн ядахаас юугаараа өөр юм бэ?" хэмээн нийтэлсэн нь халагдах үндэс болжээ.

Энэхүү явдлаас хэдхэн сарын өмнө Жина Карано АНУ-ын Ерөнхийлөгчийн сонгууль маргаантай болсон гэх асуудлаар мөн цахим ертөнцөд маргаан дэгдээж байв.

Лукам фильм компанийн найдвартай эх сурвалж "Түүнийг халах шалтаг хоёр сар хайж байгаад өнөөдөр санасандаа хүрлээ" хэмээжээ. Харин түүний хэвлэлийн төлөөлөгч одоогоор мэдэгдэл хийгээгүй байна.