Өчигдөр буюу 2025.08.03-нд Йеменийн Ахбад мужийн эрэг орчимд дүрвэгсдийн завь осолджээ. Ойролцоогоор 154 Этиопын дүрвэгч завин дээр байсан бөгөөд 12 хүн амь аврагдсан байна.

Йеменээс гаргасан албаны мэдээллээр "54 хүний цогцос далайгаас олдсон бөгөөд үлдсэн хүмүүсийг эрэн хайх, аврах ажиллагаа явагдаж байна" гэв.

Хүчтэй салхи, цаг агаарын таагүй нөхцөл байдлаас болж завь хөмөрсөн байж болзошгүй ч завины даац хэтэрсэн байх магадлалтай хэмээн аврах багийнхан үзэж байгаа аж.

Эх сурвалж: BBC