АНУ-ын Калифорни мужийн Лос-Анжелес хотод хүчтэй салхины улмаас хээрийн түймэр гараад байгаа талаар бид мэдээлсэн. Тэгвэл шинэ мэдээллээр хээрийн түймэр таван байршилд идэвхтэй байгаа бөгөөд 27 мянган акр талбайг хамраад байгаа аж. Түүнчлэн галын улмаас Лос-Анжелес хотод таван хүн амиа алдаж, аврагч, онцгой байдлын газраас 130 мянга гаруй хүнийг хотоос нүүлгэн шилжүүлээд байгаа юм байна.

Лос-Анжелес хотод гарсан түймрийг унтраахаар тус хот болон ойролцоох хотуудын гал унтраагч, аврагчдыг дайчилж ажиллаж байгаа ч галыг бүрэн унтрааж чадахгүй байгаа гэнэ. Мөн түймрийн улмаас Лос-Анжелес хотын алдарт Холливудын толгод галд автжээ.