Дэлхийн алдартнуудыг цуглуулж, “Freak Off” нэртэй гаж үдэшлэг зохион байгуулдаг, дуучин Жастин Биберийг өсвөр насанд нь хүчирхийлсэн гэх хэрэгт холбогдоод байгаа Америкийн реппер “Дидди” буюу Шон Комбстой холбоотой шинэ мэдээлэл цацагджээ.

Тодруулбал, Шон Комбсыг дээрх хэрэг олны дунд тархах үеэр Манхэттэн дэх зочид буудлаас нь баривчилж, удаа дараа бага насны эрэгтэй, эмэгтэй хүүхэд, эмэгтэйчүүдийг хүчирхийлж байсан хэрэгт шалгаж эхэлсэн. “Дидди” шүүхэд 60 сая ам.долларын барьцаа үлдээж, батлан даалтаар гаран гадуур байцаагдах хүсэлт тавьсан ч шүүхээс “Оргон зайлж болзошгүй” гэж үзэн хүсэлтийг нь няцаагаад буй. Тэгвэл шинэ мэдээллээр “Дидди” буюу Шон Комбст 1991-2024 оны хугацаанд хүчирхийлүүлсэн 120 гаруй хүн Холбооны мөрдөх товчоонд хандсан байна. Уг хэрэг дээр ажиллаж буй өмгөөлөгчийн хэлснээр “Дидди”-тэй холбоотой хэргээр 3000 гаруй хүн холбогдсон ч Холбооны мөрдөх товчоо тодорхой хэсгээс мэдүүлэг авч, мөрдөн шалгах ажиллагаанд ашиглахаар болсон гэнэ.

Түүнчлэн “Дидди”-гийн зохион байгуулдаг “Freak Off” гаж үдэшлэгт оролцсон дэлхийн алдартнуудын нэр ар араасаа ил болж байгаа ч зарим нь хүний нэр төрд халдсан, мэдээллийг өөр зүг рүү чиглүүлсэн худал мэдээлэл тарж байгааг шүүлтүүртэй хүлээн авахыг Холбооны мөрдөх товчооноос анхааруулж байна.