Японы гимнастикийн багийн ахлагч Тамирчдын хотхонд архи ууж, тамхи татсан хэргээр олимпоос хөөгджээ

2024-07-25, 1138

“Парис-2024” олимпын наадам оролцохоор Тамирчдын хотхон буудаллаад байсан Японы эмэгтэй гимнастикийн багийн ахлагч Шоко Мията хөөгджээ. Тодруулбал, өдгөө 19 настай япон гимнастикч Тамирчдын хотхонд согтууруулах ундааны зүйл хэрэглэж, тамхи татсан нь тогтоогдсон бөгөөд түүнийг ёс зүйн дүрмийг зөрчсөн гэж үзэн олимпын наадмаас хасах шийдвэр гаргасан байна. Үүнтэй холбоотойгоор Японы Гимнастикийн холбооноос албан ёсны мэдэгдэл хийн “Японы эмэгтэйчүүдийн гимнастикийн баг олимпод тав биш дөрвөн тамирчинтай оролцоно. Манай тамирчин ёс бус үйлдэл гаргасан чин сэтгэлээсээ уучлалт хүсэж байна” гэжээ.

Ташрамд дурдахад, олимп, Тамирчдын хотхоноос хөөгдсөн 19 настай Шоко Мията нь улсынхаа эмэгтэйчүүдийн гимнастикийн багийн ахлагч. Мөн тэрбээр Японы үндэсний аварга бөгөөд 2022 онд ДАШТ-ээс хүрэл медаль хүртэж байжээ. Түүнчлэн Шоко Миятаг “Парис-2024” олимпод сайн оролцож, амжилт гаргах боломжтой гимнастикчдын нэг хэмээн олон улсын хэвлэлүүд онцолж байсан ч тэрбээр ёс зүйн дүрэм зөрчин хөөгдөж байгаа юм.

Японы гимнастикийн багийн ахлагч Тамирчдын хотхонд архи ууж, тамхи татсан хэргээр олимпоос хөөгджээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2024-07-25 23:02:16

Зочин: Энэ барууны орнууд чинь бүгдээрээ хүний эрхийг уландаа гишгэсэн улаан коммунистууд байдаг юм байна. Энэ дэлхийн улсууд чинь бүгдээрээ монголоос бусад нь аймшигтай дарангуйлагчид байдаг юм байна.

Шинэ мэдээ