БНАСАУ буюу Хойд Солонгосын дипломатч асан Тэ Ён Хог БНСУ-ын Ерөнхийлөгчийн дэргэдэх нэгдлийн асуудлаарх зөвлөлийн дэд сайдаар томилжээ.

Тодруулбал, өдгөө 62 настай Тэ Ён Хог нь 2016 онд БНАСАУ-аас Их Британид суух Элчин сайдын орлогчоор ажиллаж байсан бөгөөд Пёньян түүнийг улсын мөнгө завшсан зэрэг хэрэгт буруутгасан байна.Улмаар Тэ Ён Хог Хойд Солонгост хэрэгт холбогдсон даруйдаа БНСУ руу дүрвэсэн бөгөөд Сөүлд ажиллаж, амьдарч байгаад 2020 онд Өмнөд Солонгосын Үндэсний Ассамблейн гишүүн болсон анхны Хойд Солонгосын иргэн болж байв.

Тэрбээр өнгөрсөн дөрөвдүгээр сард болсон парламентын сонгуульд дахин хүч үзсэн ч Үндэсний Ассамблейд суудал авч чадалгүй ялагдал хүлээсэн байдаг. Хэдий парламентад суудалгүй үлдсэн ч Тэ Ён Хо Өмнөд Солонгосын шинэ Засгийн газарт дэд сайдаар томилогдсон нь мөн адил Хойд Солонгосын иргэн БНСУ-ын Засгийн газрын дэд сайд болсон анхны тохиолдол болж байгааг олон улсын хэвлэлүүд онцолж байна.