Индонези Улсын Семеру хэмээн нэрийддэг галт уул дэлбэрч, үнс нурам цацарч, утаа нь тус улсын хамгийн олон хүн амтай гэгддэг Ява арлын дээгүүр 5.6 км зайд тархжээ. Тодруулбал, орон нутгийн цагаар 17:24 цагт галт уулын ойролцоох Кобоан тосгоны иргэд галт уул дэлбэрсэн талаар эрх баригчдад мэдээлсэн бөгөөд одоогоор хүний амь нас эрсдээгүй гэнэ.

       Тус улсын эрх баригчдын зүгээс Семеру галт уулын ойролцоох тосгоны иргэдийг нүүлгэн шилжүүлэх тушаал гаргаагүй бөгөөд дахин дэлбэрэх эрсдэлтэй тул анхаарал, сэрэмжтэй байхыг Гамшгийн аюулыг бууруулах үндэсний газраас мэдээлжээ. Далайн түвшнээс дээш 3676 метр өндөр Семеру галт уул нь байнгын идэвхтэй байдаг аж.