Японы судлаачдын баг Номхон далайн ёроолоос цэнэг хураагуурын металлаар баялаг 200 сая тонн орчим нөөцтэй манганы орд илрүүлжээ. Тодруулбал, Токиогийн их сургууль болон “Nippon Foundation”-ийн мэргэжилтнүүд тус улсын Минами Торишима арлын ойролцоох Номхон далайн 5500 метр гүнээс илрүүлсэн байна. Уг орд нь манганаас гадна кобальт, никель, зэс агуулах бөгөөд судлаачдын урьдчилсан тооцооллоор 610 мянган тонн кобальт, 740 мянган тонн никелийн нөөцтэй байгаа аж.

Ташрамд дурдахад, Японы судлаачдын илрүүлсэн манганы ордын урьдчилан тооцоолсон кобальтын нөөц тус улсын 75 жилийн хэрэгцээ, никелийн нөөц нь 11 жилийн хэрэгцээг хангахуйц гэнэ.