Исламын шашны их сүм байрладаг Арабын Мекка хотод жил бүр уламжлал болгон мөргөдөг Хаж мөргөл болж өнгөрчээ. Гэсэн ч Хаж мөргөлийн үеэр Мекка хотод 50 хэм хүрч халсны улмаас гадна талбайд мөргөл үйлдэж байсан 550 гаруй хүн амиа алдсан талаар “Франс Пресс” агентлаг мэдээлэв. Тодруулбал, амиа алдагчдын дийлэнх нь хэт халууны улмаас амьсгал хураасан бол нэг хүн мөргөлийн үеэр болсон мөргөлдөөний үеэр амиа алджээ. Мөн амиа алдагчид дунд египетчүүдээс гадна Йорданаас ирсэн жуулчид байсан талаар эрх баригчид мэдээлсэн байна.

Одоогоор амиа алдагсдын цогцсыг Мекка хотын Аль-Муайсем дүүргийн эмнэлэг рүү зөөж, цогцос таних ажиллагаа явуулж байгаа гэнэ.