Бүгд Найрамдах Индонез Улсын баруун хэсэгт орших Суматра аралд их хэмжээний борооны орсны улмаас галт уулын хайлмаг үерт урсжээ. Тухайлбал, өнгөрсөн амралтын өдөр Суматра арал дээр их хэмжээний бороо орсны улмаас тус арал дээр байдаг Марапи гэх идэвхтэй галт уулын хайлмаг үерт урсаж, ойролцоох тосгонуудад хүрсэн байна. Индонезийн албаны хүмүүсийн мэдээлж буйгаар үерт урссан хайлмагийн улмаас 37 хүн амиа алдаж, хоёр тосгоны сүм, хийд, олон нийтийн байгууллага сүйдэж, 100 гаруй өрх орох оронгүй болоод байгаа юм байна.

                             Түүнчлэн 18 хүн сураггүй болсон бөгөөд эрх баригчид амь үрэгдсэн хүмүүсийн тоо нэмэгдэж болзошгүйг мэдэгдээд байгаа аж.