NBA буюу Америкийн үндэсний сагсан бөмбөгийн холбооны шигшээ тоглолтууд үргэлжилж байгаатай зэрэгцэн тус холбооноос улирлын хамгийн үнэ цэнтэй тоглогчийг тодрууллаа. Тухайлбал, тус холбооны 2023-2024 оны улирлын хамгийн үнэ цэнтэй тоглогчоор “Денвер Наггетс” багийн төвийн тоглогч Никола Йокич шалгарсан байна. Никола Йокич энэ улиралд 26.4 оноо, 12.4 самбараас бөмбөг авалт, есөн оновчтой дамжуулалт дунджилсан бөгөөд түүний гурав дахь улирлын хамгийн үнэ цэнтэй тоглогчийн шагнал болж байгаа юм.

                            “Денвер Наггетс” багийн төвийн тоглогч, гурван удаагийн улирлын хамгийн үнэ цэнтэй тоглогчийн шагналт Никола Йокич нь 1995 оны хоёрдугаар сарын 19-нд Сербийн Сомбор хотод төрсөн бөгөөд өдгөө 29 настай. Тэрбээр Америкийн үндэсний сагсан бөмбөгийн холбооны 2014 оны драфтын хоёрдугаар тойргийн 41 дэх сонголтоор “Денвер Наггетс” багт нэгдсэн байдаг.