ОХУ, Монголын хилийн орчимд 6.7 баллын хүчтэй газар хөдлөлт боллоо. Тодруулбал, өнөө өглөө 05:33 цагт Хөвсгөл аймагт буюу Оросын хойд хилээс 54 км, Эрхүү хотоос 288 км зайд уг газар хөдлөлт төвлөрчээ. Энэ хэсэгт хүн ам багатай ч Хатгал, Ханх зэрэг суманд 5000 гаруй хүн амьдардаг билээ. Одоогоор Монгол, Оросын алинд ч хүн бэртсэн, байшин нурсан тохиолдол бүртгэгдээгүй. Харин Слюдянский дүүрэгт газар хөдлөлтөөс үүдэн цахилгааны тасалдаж, 1037 хүн цахилгаангүй болжээ.  Одоогоор Эрхүү хотын онцгой байдлын газар хүмүүст хохирол учирсан эсэхийг шалгаж байгаа аж.