Израилын армийн Дамаск руу өгсөн агаарын цохилтод Сири дэх Ираны консулын газар өртөж, Ираны гурван генерал амиа алдсан. Үүнтэй холбоотойгоор Ираны Гадаад хэргийн яамнаас Израилын эсрэг зохих хариу арга хэмжээ авахаар ажиллаж байгаа талаар “Reuters” агентлаг мэдээлжээ.

                        Тухайлбал, Ираны консулын газрыг оносон Израилын цохилттой холбоотойгоор Сири дэх Ираны Элчин сайд Хоссейн Акбари “Израилд ижил хэмжээний, хатуу хариу өгөх болно” гэж мэдэгдээд байсан ч Ираны тал хурцадмал байдал үүсэхээс зайлсхийж байгаа гэнэ. Улмаар Иран Израилын дайралтаас үүссэн хохирлын хэмжээ, нөлөөг Вашингтонд илэрхийлсэн бөгөөд Газын зурваст гал зогсоох, эвлэрлийн гэрээ байгуулах хэлэлцээр биеллээ олоход Ираны талаас ч мөн шахалт үзүүлж эхэлсэн байна. Ингэснээр Ираны тал Сири дэх Элчин сайдынхаа “Өшөө авах” тухай мэдэгдсэн нь хурцадмал байдал үүсэхээс сэргийлж, эвлэрлийн гэрээнд түлхүү үүрэг гүйцэтгэхээр ажиллаж байгаа гэнэ.